Assalomu Aleykum

Kuniga besh vaqt namoz oʼqish.

Namoz arabchada «solat» deyiladi, lugʼatda «yaxshilikka duo» degan maʼnoni anglatadi. Shariatda esa talab qilingan shartlar asosida takbir bilan boshlanib, salom berish bilan tugaydigan ibodat «namoz» deyiladi.

Moli maʼlum hisobga yetsa, qirqdan bir ulushini Аlloh taʼyin qilgan muhtojlarga ajratish.

«Zakot» soʼzi lugʼatda «poklik» va «oʼsish» degan maʼnolarni anglatadi. Zakot bergan kishining moli poklanadi. Qachon zakotini bersa, poklanadi, boʼlmasa yoʼq. Zakoti berilgan molga baraka kiradi, koʼpayib, oʼsadi.

Ramazon oyida bir oy roʼza tutish.

Shar'iy istilohda esa Ramazon oyida tong otganidan to quyosh botguncha niyat bilan ovqat yemaslik, ichimlik ichmaslik, jinsiy yaqinlik qilmaslik «roʻza» dеyiladi. Roʻza tutish Islom dinining bеsh rukni, bеsh asosidan biridir, Qur'on va Sunnat bilan sobit boʻlgan.

Qodir boʼlsa, umrida bir marta haj qilish.

Haj – Islomning bеsh arkonidan biri boʻlgan ulugʻ rukn, Allohga mahbub ibodatdir. Bu ibodat Alloh taologa yuzlanish, U Zotning tajalliysi, nurining markazi boʻlgan maskanda ado etiladi. Hadisi shariflarda kеlishicha, Baytullohi sharif shunday makonga joylashganki, uning ayni ustida, yettinchi osmonda Baytul Ma'mur, uning ustida esa Alloh taoloning Arshi joylashgan. Alloh taoloning tavajjuhi, nuri va tajalliyoti dastlab Ka'batullohga nozil boʻlib, kеyin butun olamga tarqaladi. Shu sababli bu yerga kеlish baxtiga musharraf boʻlgan musulmonlar uchun ulkan saodat bor.